വിറളി പൂണ്ടവന്റെ
കാമ ഭ്രാന്തുകള്‍ക്കെതിരെ
ഒച്ചയെടുത്തവള്‍
പിറ്റേന്ന് ,വാര്‍ത്തകളില്‍ താരം.
വോട്ടെടുപ്പ് തുടങ്ങി.
അഭിപ്രായ കോളത്തില്‍
അവര്‍ രേഖപ്പെടുത്തി
"പെണ്ണ് പുറത്തിറങ്ങേണ്ടത്തവള്‍".
"ന:സ്ത്രീ സ്വാതന്ത്ര്യമര്ഹതി".
മറ്റു ചിലര്‍ രേഖപ്പെടുത്തി.
"അവള്‍ ഒരു അഹംകാരി".
കൂട്ടത്തില്‍ ഒറ്റപെട്ട്
പുകഞ്ഞു പുകഞ്ഞു
ഒരു ചോദ്യം..
"വിലങ്ങ് വയ്ക്കേണ്ടത്
സ്ത്രീ സ്വാതന്ത്ര്യത്തെയോ
അതോ,
കഴുക കണ്ണുകളിലെ
കാമ ഭ്രാന്തിനെയോ ?".
തുരുമ്പെടുത്ത തത്വങ്ങള്‍
വിളമ്പിയവരുടെ
നാവിനോരുത്തരം-
നല്കാനവാത്തത്‌ കൊണ്ടാവണം,
ഉത്തരങ്ങളില്ലാതെ
വീര്‍പ്പുമുട്ടി പൊറുതിമുട്ടി
അത്തരം ചോദ്യങ്ങള്‍
വീണ്ടും വീണ്ടും പൊട്ടിത്തെറിക്കുന്നത് ....
