ഒലിച്ചു പോയ പ്രത്യയശാസ്ത്രങ്ങളെ നിങ്ങളിന്നു കണ്ടുവോ ?

 വേധാന്തങ്ങള്‍ ഉരുവിട്ടിരുന്ന 

ഉമ്മരക്കൊലയില്‍ നിന്നും 

നാമജപങ്ങളിന്നു 

പടിയിറങ്ങി പോയിരിക്കുന്നു.

നടുമുറ്റത്ത്ഒലിച്ചിറങ്ങിയ 

നീര്‍ തുള്ളികള്‍ക്ക് 

മഴവെള്ളത്തിന്റെ 

കുളിരുണ്ടയിരുനില്ല.

മുറ്റത്തേക്ക് ഇറങ്ങിയപ്പോഴാണ് 

മണ്ണ് ഒലിച്ചു പോയെന്നരിയുന്നത്.

നിലവറയുടെ ഇരുളകങ്ങളില്‍

നിലവിളക്ക് തെളിച്ചപ്പോഴാണ് 

മാറാല പടര്‍ന്നിറങ്ങിയ 

കണക്കെഴുത്തുകള്‍ കണ്ടു കിട്ടിയത് .

പൊട്ടിയ ഓടുകള്‍ക്കിടയിലൂടെ 

പുലരിയെ കണ്ണ്എറിഞ്ജപ്പോഴാണ്‌

ഇരവിന്റെ തെരുവില്‍ 

അത് നഷ്ടപെട്ടുവെന്ന്‍റിഞ്ഞത്.

ഒഴുകി ഒലിച്ചുപോയ 

പ്രത്യയശാസ്ത്രങ്ങളെ

നീ ഇനിയും കണ്ടുവോ?

അതോ ,

തീരാ നഷ്ടങ്ങളുടെ പട്ടികയില്‍ 

നിര തെറ്റിയ ഒരു വാക്കായ്

അതെന്നെ വരിഞ്ഞു മുറുക്കുമോ?

അപ്പോഴും,

ഇരുളിന്റെ രണ്ടു കോണുകളിലിരുന്നു 

ഞാന്‍ നിന്നെയും നീ എന്നെയും 

പരസ്പരം പഴിച്ചുകൊണ്ടിരിക്കും ....